مميزات وعيوب سيات ماربيلا وتقرير شامل وسعر ومواصفات SEAT Marbella لعام 2018

admin الخميس، 5 يوليو 2018
السيارة الصغيرة سيات ماربيا (بالإنجليزية: SEAT Marbella) هي سيارة من تصنيع شركة سيات نزلت فى مصر على فترات متباعدة اواخر الثمانينات واول التسعينات ومع انها سيارة صغيرة الحجم وتقترب من الفيات 127 ولكنها لم تلاقى اى نجاح وفشلت فى مصر لعدم توافر قطع غيار اصلية لها واضطر مالكيها لتوفيق قطع غيار من موديلات اخرى مثل الفيات 127 


مواصفات السيارة سيات ماربيلا

تاتى سيات ماربيلا بموتور 950 سى سى كربراتير وهى 2 باب فقط ومساحتها الداخلية تكفى لثلاثة افراد فى الكنبة الخلفية ولها شنطة ليست بكبيرة مع ان شكلها يوحى بغير ذلك واعتمد تصميمها على سيارة فاشلة ايضا و باندا من انتاج فيات اوائل الثمانينات ولم تلقى رواج وفشلت فشل زريع فى مصر 
مميزات وعيوب سيات ماربيلا وتقرير شامل وسعر ومواصفات SEAT Marbella لعام 2018


مميزات سيات ماربيلا

تتلخص المميزات القليلة لسيات ماربيلا 1- الشكل الخارجى المختلف نسبيا والذى يوحى على عكس الحقيقة باتساع السيارة من الداخل 2- موتور صغير وموفر نسبيا فى البنزين 3-ارتفاع السيارة عن الارض وهو مهم فى المطبات 4-السعر الرخيص جدا فى لا تتخطى حاجز 12000 جنية فى افضل الحالات 5-سهولة التنقل وركن السيارة فهى سيارة مدينة وتصلح للزحام 6- تناسب كبار السن والرجال فقط 
من الاخر عربية تجيب بيها خضار او مشوار كل اسبوع غير كدة لا


عيوب سيارة ماربيلا

1-سيارة غير عائلية فىهى 2 باب ويوجد صعوبة فى الدخول للكنبة الخلفية لاتفاع السيارة عن الارض
2-سيارة غير شبابية فهى تتميز بشكل جاد نسبيا وفقيرة التعديلات فلا تصلح للشباب
3-سيارة صعبة القيادة فهى لا تصلح للسيدات وثقيلة مثل اللادا 
4-موتور ضعيف وغير موفرة للبنزين بالمقارنة بفيات 127 مثلا 
5-لا يوجد اتزان وسهلة الانقلاب فى الملفات ويوجد فيديو مرفق يوضح ذلك
6-سيارة مجهولة الهوية ولا توجد لها اى قطع غيار بل يتم توفيق قطع غيار من عربات اخرى مثل 127 وغيرها 
7-سعر اعادة بيع خاسر جدا لعدم وجود سوق للسيارة وقلة انتشارها .
8-عربية غير اعتمادية كثيرة الاعطال والمصاريف والعفشة بتبوظ بسرعة علشان العربية عالية ومينفعش توطى
9-البارومة سريعة الانتشار بها لانها غير معالجة ضد الصدى وخصوصا اسفل السيارة
10-فى ملاك كتير للسيارة بيوهمو المشترى ان الموتور بتاعها هو بتاع الفيات ودة خطا دى شركة ودى شركة والاثنين مش زى بعض بتاع الفيات 127 افضل واوفر فى البنزين والصيانة
11-بتسخن بسرعة جدا وممكن تولع بعد 50 كيلو مثلا يعنى انسى السفر
12-اختبارات التصادم بتاعتها انت ميت ميت مفيش امان نهائى
13-شاسية ضعيف لو حد خبطها بالرجل هتتنى 

سعر السيارة سيات ماربيلا
فى افضل الحالات لا تتخطى 12000 جنية ول يطلب اكثر من كدة حاجة من الاثنين انه اشترى غالى ولبس فى العربية او بيبالغ زى ناس كثير وبيجرب يمكن يلاقى مغفل يلبس زى ما هو لبس ودة لانها تقليد فاشل للفيات وليس لها وجود حقيقى او انتشار ولا قطع غيار وتعتمد على الفيات ودة بيخلى عمر قطع الغيار قليل واعطالها كتير وغير اعتمادية بالمرة والكلام دة بعد بحث ودراسة وسؤال كتير من ممن باعو هذة السيارة بعد معانات وخسارة كبير 

نصيحة لوجه الله لا تشترى هذه السيارة ولو ببلاش ومتنخدعش بالتظبيط الخارجى لانها هتظهر عيوبها بعد شهرين من الشراء ومش هتلاقى مغفل بسهولة يشتريها ده غير انك هتصرف عليها كثير فى الغلاء دة
عايز تشترى زود حبة وهات فيات 127 مع انى ضدها ولكن هتبقى افضل  حتى فى اعادة البيع وخليك فى الاصل افضل من التقليد الفاشل دة من الاخر العربية ال مفيش فى منطقتك 5او6 عربيات منها متشترهاش ولو ببلاش لو فيها خير مكنش المصريين سابوها وكنت هتلاقيها منتشرة بشكل فظيع زى الفيات كدة