الفرق ومعنى السيارة شاسيه ولا على علب والمميزات والعيوب لطرق بناء السيارات 2018

Elmasry الاثنين، 14 مايو 2018
كتير بنسمع عن شاسيه العربية، وفيه ناس بتقول العربية دي جابت شاسيه.. وبردو كان زمان بيقولوا إن الـ128 على علب... 

هو إيه الحكاية بالضبط؟؟



فيه كذا طريقة لبناء جسم السيارات... حنتكلم عليهم كلهم إن شاء الله... وعندي أمل إني ما انساش حاجة منهم

الفرق ومعنى السيارة شاسيه ولا على علب والمميزات والعيوب لطرق بناء السيارات 2018

الفرق ومعنى السيارة شاسيه ولا على علب والمميزات والعيوب لطرق بناء السيارات 2018


الفرق ومعنى السيارة شاسيه ولا على علب والمميزات والعيوب لطرق بناء السيارات 2018



معظم العربيات العادية بتاعتنا مبنية بأحد طريقتين... على شاسيه ... أو ... على علب


طيب إيه الفرق بين الشاسية والعلب؟

العربيات المبنية على شاسيه بيسمو التصميم بتاعها "جسم على هيكل" أو "Body-on-Frame"، وفكرة التصميم ده إنه العربية بتبقى متكونة من حاجتين: هيكل (شاسيه) ... و.. جسم (كابينة)

الشاسيه هو هيكل قوي (غالبا بيبقى شبه السلم الخشبي) بيتركب عليه كل أجزاء العربية، وعادة الموتور والعفشة وأجزاء نقل الحركة بتبقى متركبة عليه مباشرة، وبعدين بتيجي الكابينة أو جسم العربية كامل ويتربط في الشاسيه بمسامير
السيارات المبنية على شاسية
شوف الصور دي

التصميم ده هو الأصل في صناعة السيارات وكان بيتعمل من الخشب وبعدين اتعمل من الصلب، وقبل ما الكمبيوتر يدخل في تصميم السيارات كان تصميم شاسيه يشيل العربية أسهل، لإن حسابات التصميم بتبقى أعقد بكتير لو اتحسبت على جسم العربية من لو حسبناها على الشاسيه لوحده. 

الفرق ومعنى السيارة شاسيه ولا على علب والمميزات والعيوب لطرق بناء السيارات 2018


حاليا... التصميم ده بيستخدم في العربيات المخصصة للخدمة الشاقة أو اللي بتشيل أوزان تقيلة، زي عربيات النقل والنص نقل والـ4×4 والميكروباصات والأوتوبيسات والمقطورات طبعاً.

الفرق ومعنى السيارة شاسيه ولا على علب والمميزات والعيوب لطرق بناء السيارات 2018
الفرق ومعنى السيارة شاسيه ولا على علب والمميزات والعيوب لطرق بناء السيارات 2018

الفرق ومعنى السيارة شاسيه ولا على علب والمميزات والعيوب لطرق بناء السيارات 2018


طيب إيه الميزة في التصميم ده(الشاسية)؟



• التصميم بالشكل ده بيخلي العربية قوية وتتحمل الخدمة الشاقة، لإنك ممكن تخلي الشاسيه قوي جدا... وهي دي الميزة الأساسية في التصميم ده..

• التصميم ده ممكن يخليك مستريح أكتر جوه العربية لإن المطبات ممكن ما تحسش بيها قوي نتيجة إن الشاسيه بيستقبل كل الصدمات وما بينقلهاش للكابينة (زي العربيات الأمريكاني القديمة) نتيجة وجود كاوتش بين الجسم والشاسيه في نقط التثبيت.

• العربيات اللي على شاسيه أقوى بكتير من العربيات على علب في الحوادث.. بالذات في الصدمات الأمامية والخلفية، ده غير إن إصلاحها بيبقى أسهل لإنك ممكن تغير الكابينة أو تلحمها بدون تأثير على قوة الشاسيه.

• له ميزة في الصناعة (بالذات في فترات ما قبل الكمبيوتر) إن الشاسيه الواحد ممكن يتوحد لكذا عربية.. بمعنى إن نفس الشاسيه بنفس المحرك ومجموعة نقل الحركة والعفشة يتركب عليه كذا جسم لعربيات تانية وتبقى موديلات تانية... ده طبعا بيوفر في التكلفة بشكل كبير، لإن معظم تكلفة التصميم بتبقى في الشاسيه والأجزاء الميكانيكية، إنما الجسم مش محتاج حسابات هندسية... ودي كانت سياسة جنرال موتورز لحد الثمانينات.



طيب ليه التصميم ده مبقاش منتشر في العربيات دلوقتي(عيوب الشاسية)؟


• الشاسيه القوي حاجة كويسة... بس غالبا لما بتقويه وزنه بيزيد ويتقل العربية... ودي مشكلة كبيرة في العربيات لإن الوزن الزائد معناه أداء أضعف واستهلاك وقود أعلى... وأسعار الوقود في العالم بتزيد باستمرار، ده غير القوانين اللي ضد تلوث البيئة في البلدان الصناعية. 

• معدل الوفيات والإصابات الشديدة فيه أعلى لإن العربية مفيهاش منطقة امتصاص صدمات، وإن كان فيه تطوير حاليا في إن ممكن يتعمل في الشاسية مناطق ممكن تتكسر أو تنفصل في الحوادث

• فيه مشكلة تانية إن جسم العربية (الكابينة) محتاج كل فترة يتعاد على تربيطه في الشاسيه، ولو ما حصلش الكلام ده ممكن يأثر على اتزان وثبات العربية، ده غير الأصوات اللي حتسمعها نتيجة خبط الجسم في الشاسيه (نتيجة عدم التربيط).

• اتزان العربية بشكل عام بيبقى أقل لإنه مقاومته للالتواء أقل من العربيات على علب



عربيات الركاب (السيدان) دلوقتي مابقتش تتصمم بالطريقة دي.. وآخر عربية سيدان كانت موجودة لحد 2011 هي

فورد كراون فكتوريا


طيب... إيه نظام العربيات اللي على علب؟؟


العربيات اللي على شاسية علب


الفرق ومعنى السيارة شاسيه ولا على علب والمميزات والعيوب لطرق بناء السيارات 2018


المعروف إن معظم عربيات الركاب حاليا على علب.. والموضوع بيزيد لدرجة إن فيه بعض عربيات 4×4 بدأت تتصمم بالطريقة دي






إيه بقى النظام؟؟


تصميم العربيات اللي على علب بيسموه "الهيكل الموحد" أو "Unibody" أو "Monocoque" بالفرنساوي ومعناه "الصدفة الأحادية"


أصل الفكرة دي كان معمول في تصميم الطيارات والمناطيد في أوائل القرن العشرين بغرض الحصول على وزن خفيف وقوي في نفس الوقت، 


الفرق ومعنى السيارة شاسيه ولا على علب والمميزات والعيوب لطرق بناء السيارات 2018


ويمكن أول شركة عربيات استخدمت طريقة التصميم دي هي "سيتروين" في أوائل الثلاثينات (عشان كده اسم التصميم منتشر بالفرنساوي)


الفرق ومعنى السيارة شاسيه ولا على علب والمميزات والعيوب لطرق بناء السيارات 2018


وبعد كده بدأت شركات تانية تستخدم نفس الفكرة في عربياتها




المعروف إن جسم العربية بيبقى معمول من ألواح معدنية (صاج) بيتم قطعها وتشكيلها حسب المطلوب في مصانع متخصصة، وبعدين الألواح دي بتتلحم مع بعض في مصنع التجميع وتشكل جسم العربية.


الفرق ومعنى السيارة شاسيه ولا على علب والمميزات والعيوب لطرق بناء السيارات 2018


والفكرة في التصميم ده ببساطة هى فكرة الصدفة اللي بتحمي اللي جواها، بمعنى إن جسم العربية يكون قوي بما فيه الكفاية إنه يشيل وزن العربية ويحمي الناس اللي راكبين فيها، وده على عكس طريقة الشاسيه اللي بيبقى عامل زي العظام في الكائنات الحية


الكلام ده بيتم عن طريق تصميم جسم العربية وتقوية الأجزاء اللي المفروض إنها حتشيل حمل الوزن وتتحمل القوى اللي بتتعرض ليها العربية وهي ماشية في الطريق، وأحيانا بيبقى فيها شاسيه مدمج في الجسم (ممكن يتعمل من كَمَر أو من ألواح سميكة).










معظم أجزاء العربية مهمة في قوة العربية، لدرجة إن فيه بعض تصميمات بيدخل في حساباتها تأثير وجود الزجاج الخلفي على قوة الجسم!!!! 


الفرق ومعنى السيارة شاسيه ولا على علب والمميزات والعيوب لطرق بناء السيارات 2018


وطبعا التصميم بالطريقة دي أعقد بكتير من طريقة الشاسيه، وحصل تطوير كبير فيها من بعد ما دخل الكمبيوتر في صناعة السيارات، وبقى ممكن يتعرف فين المناطق الضعيفة عشان تتقوى.. 




الصور اللي فوق دي بتبين اختلاف الأجزاء المستخدمة من ناحية قوة الحديد أو المواد المستخدمة..


وباستخدام الكمبيوتر بيتعمل نماذج محاكاة للواقع ومنها بيقدروا يعرفوا إيه اللي حيحصل للعربية عند الاصطدام، 


الفرق ومعنى السيارة شاسيه ولا على علب والمميزات والعيوب لطرق بناء السيارات 2018


ومؤخراً بقى يتعمل مناطق ضعيفة (عن قصد) لامتصاص الصدمات في الحوادث (بيسموها مناطق الانبعاج Crumple Zone) بحيث إن الصدمة ما يوصلش تأثيرها للركاب بقدر الإمكان.


الفرق ومعنى السيارة شاسيه ولا على علب والمميزات والعيوب لطرق بناء السيارات 2018 الفرق ومعنى السيارة شاسيه ولا على علب والمميزات والعيوب لطرق بناء السيارات 2018




وعلى سبيل المثال.. تويوتا عاملة حاجة إسمها GOA Body (اختصار لجملة Global Outstanding Assessment) وده معمول أساسا عشان تخفيض نسب الوفيات في حوادث الاصطدام في أركان العربية، وطبعا عشان يطابق معايير السلامة على مستوى العالم .. 


الفرق ومعنى السيارة شاسيه ولا على علب والمميزات والعيوب لطرق بناء السيارات 2018


وطبعا مش تويوتا لوحدها.. الشركات الألمانية رائدة في المجال ده..


 




طيب ليه معظم العربيات دلوقتي بقت بتتعمل بالطريقة دي


• التصميم ده خلى تكلفة تصنيع السيارة الواحدة أرخص، لإن المواد المستخدمة فيها بقت عبارة عن ألواح معدنية وبس.


• العربية بالطريقة دي بقت وزنها أخف، لإننا استغنينا (ولو بشكل جزئي) عن الشاسيه المنفصل، وده بيساعد على توفير الوقود.


• التصميم ده بيساعد إننا نعمل عربيات أصغر، وده بيدينا تنوع في المقاسات.. وبالتالي الميزانيات


• نسب الوفيات في العربيات على علب أقل من العربيات على شاسيه.. عشان بقى فيه منطقة امتصاص صدمات بتقلل من وصول الصدمة للركاب.


• العربيات على علب بقت أوطى على الأرض (لإن الشاسيه كان بيرفع العربية لفوق)، وده بيساعد على ثبات أعلى للعربيات


• العربيات على علب فيها مقاومة أعلى للالتواء من العربيات على شاسيه، وده بيساعد على ثبات العربية


• التصميم ده بيساعد إننا نوزع وزن العربية بشكل متساوي وده بيساعد كمان في ثبات العربية


طيب.. هو التصميم ده مالوش عيوب؟؟؟


إزاي؟؟؟ أهم عيوبه هي:


• العربية على علب بتتأثر بشكل قوي في الحوادث المتوسطة والقوية، وغالبا إصلاحها بيبقى صعب (ويمكن مستحيل) وتكلفته عالية، بالإضافة إلى إن الإصلاح لا يمكن يرجع العربية لنفس قوتها الأصلية إلا إذا اتعمل فيها نفس الشغل بتاع المصنع. 


• الصدأ هو ألد أعداء التصميم ده.. وبالذات لما ييجي في الأجزاء اللي المفروض إنها تشيل الأحمال، والمعروف هندسيا إن الأجزاء المعرضة للأحمال بتصدي أسرع، وده اللي خلى شركات السيارات بتعالج عربياتها ضد الصدأ وكمان بتركز على الأجزاء المعرضة للصدأ فيها


• العربيات دي بتبقى حساسة شوية لما بنعمل تعديلات فيها.. وبالذات إذا كان التعديل بيمس أجزاء معدنية في جسم السيارة، لإن زي ما قلنا قبل كده كل جزء في العربية مهم في قوة الجسم، عشان كده التعديل لازم يبقى مدروس كويس قبل التنفيذ.


• الشغل على التطوير في المصنع بقى أعقد شوية... بس الكمبيوتر ما خلاش حاجة صعبة.
من أهم العربيات اللي وصلها التصميم ده:


مرسيدس M-Class



الطرق الأخرى لبناء السيارات

في الحقيقة.. الطرق التانية لبناء السيارات عبارة عن تعديلات أو دمج للطريقتين اللي اتكلمنا عليهم قبل كده (الشاسيه والعلب).. عشان كده مش هنتكلم عليهم بشكل موسع



طريقة العمود الفقري (Backbone) 

الفكرة الأساسية هي استعمال شاسيه (زي فكرة العربيات على شاسيه) .. بس بدل ما هو شكل السلم الخشبي.. بقى عبارة عن ماسورة رئيسية متفرع منها أجزاء نقل الحركة والموتور، وهي بكده "العمود الفقري" اللي شايل كل حمل العربية.



الطريقة دي اخترعها العبقري النمساوي "هانز ليدوينكا" في عشرينات القرن العشرين لحساب شركة "تاترا" التشيكية.

الفرق ومعنى السيارة شاسيه ولا على علب والمميزات والعيوب لطرق بناء السيارات 2018

واشتهرت بعض شركات السيارات في أوروبا الشرقية باستخدامها للطريقة دي (زي تاترا وسكودا) في عربيات الركوب وبعض سيارات النقل كمان.. بس الطريقة دي فعالة أكتر في العربيات الصغيرة..

الفرق ومعنى السيارة شاسيه ولا على علب والمميزات والعيوب لطرق بناء السيارات 2018


أشهر من استخدم الطريقة دي هو كولن تشابمان مؤسس شركة "لوتس" وبنى عليها سياراته المشهورة زي "إيلان" و"إيسبيريت"..



ومن أهم السيارات اللي استخدمتها (بس بشكل مختلف شوية).. كانت الفولكسفاجن بيتل القديمة

الفرق ومعنى السيارة شاسيه ولا على علب والمميزات والعيوب لطرق بناء السيارات 2018


حاليا الطريقة دي ما بقتش منتشرة إلا في بعض العربيات الاسبور (زي المازدا مياتا وسيارات TVR)، مع بعض التعديل على الماسورة فبقت بشكل شبكة من المواسير الملحومة وبتشكل مع بعض شكل ماسورة كبيرة..


أهم مميزاته



• مناسب للمصانع الصغيرة لإنه بسيط في التصميم

• سهل التصنيع في الورش والمصانع الصغيرة

• الماسورة الوسطية بتحمي أجزاء نقل الحركة الحساسة

• أكتر تصميم بيوفر في المساحة

• قوي بما فيه الكفاية للعربيات الصغيرة

أهم عيوبه



• تكلفة التصنيع كبيرة وغير مناسبة للإنتاج بكميات الكبيرة

• التصميم ده ما بيديش حماية ضد الصدمات الجانبية، ولازم يبقى الجسم نفسه قوي ضدها وده بيزود الوزن

• لما نقارن التصميم ده من ناحية مقاومة الالتواء.. التصميم ده حيبقى أتقل من تصميم العلب اللي عنده نفس كمية المقاومة.


طريقة الهيكل الفضائي الأنبوبي (Tubular Space Frame)


ودي عبارة عن عمل قفص من مواسير حديدية شبه الطريقة المستخدمة في بناء الأسقف في المباني العملاقة زي اللي في الاستادات أو المولات وغيرها،
الفرق ومعنى السيارة شاسيه ولا على علب والمميزات والعيوب لطرق بناء السيارات 2018


وغالبا بنشوفه في سيارات السباق أو السوبر رياضية، وكمان بنشوفه في الورش المتخصصة وفرق سيارات السباق الخاصة.

الفرق ومعنى السيارة شاسيه ولا على علب والمميزات والعيوب لطرق بناء السيارات 2018


في حالة تصميم بالشكل ده.. الهيكل هو كل حاجة.. بمعنى إنه هو اللي شايل كل الحمل ومتركب عليه كل أجزاء العربية، وجسم العربية ما بيعملش حاجة في قوة الجسم غير مجرد الشكل الخارجي بالإضافة لتحسين مقاومة الهواء.



الطريقة دي ميزتها


• خفيفة جدا وقوية جدا في نفس الوقت وفي جميع الاتجاهات

• مناسبة للتصنيع في الورش الصغيرة جدا.. يعني أي واحد ممكن يعمله لو عنده مكنة لحام وشوية خبرة
الفرق ومعنى السيارة شاسيه ولا على علب والمميزات والعيوب لطرق بناء السيارات 2018

أهم عيوبها


• التصنيع المناسب في الورش صعب جدا في المصانع الكبيرة، وشبه مستحيل على الروبوت.. على الأقل في الوقت الحالي

• التصميم ده مكلف برضو.. لإنه بيتصنع يدوي

• التصميم ده بيستهلك مساحة عالية جدا جوه العربية، وغالبا بنضطر نرفع الباب لفوق ، وده بيسبب صعوبة في الدخول والخروج، عشان كده بيستخدم في الاستخدامات الخاصة زي عربيات السباق.



فيه طرق تانية بس بتستخدم مواد مختلفة في صناعة الجسم زي ألياف الكربون أو الألومنيوم بس كلهم ما بيخرجوش عن الطرق الأربعة اللي قولناهم قبل كده.

1-ألياف الكربون


2-الألومنيوم

  

المصدر nilemotors